నాగ చైతన్యతో విడాకుల అనంతరం సమంతకి క్రేజ్ మరింత పెరిగిపోయిందని చెప్పొచ్చు. సినిమాల్లో అవకాశాలే కాదు.. ఫ్యాన్స్ నుంచి బోలెడంత సింపథీ కూడా వచ్చేసింది. అందులోనే మయోసైటిస్ అనే వ్యాధి బారిన పడడం మరింత సింపథీని గైన్ చేసింది సమంతకి. 

సమంత ప్రస్తుతం ‘శాకుంతలం’ సినిమా ప్రమోషన్స్‌లో బిజీగా వున్న సంగతి తెలిసిందే. ఈ నేపథ్యంలో మీడియాతో, ఫ్యాన్స్‌తో ఎక్కువగా ఇంటరాక్ట్ అవుతూ వస్తోంది. అందులో భాగంగానే సోషల్ మీడియాలో ఓ నెటిజన్ సమంతకు మళ్లీ లవ్‌లో పడమంటూ సలహా ఇచ్చాడు.

అందుకు సమంత షాకింగ్ సమాధానం ఇచ్చింది. మీలా నన్ను ఇంకెవరు ప్రేమిస్తారు.? అంటూ అభిమానులనుద్దేశించి పేద్ద బిస్కెట్ వేసింది సమంత. దాంతో పొంగిపోయిన ఫ్యాన్స్.. అహో.! సమంతకి ఇకపై మరొకర్ని ప్రేమించే వుద్దేశ్యం అస్సలు లేదనే వుద్దేశ్యానికి వచ్చేశారు.

అన్నట్లు సమంత, ప్రస్తుతం ఓ వైపు ‘శాకుంతలం’ ప్రమోషన్స్‌లో పాల్గొంటూనే, మరోవైపు టాలీవుడ్‌లో ‘ఖుషి’ సినిమా.. అలాగే హిందీలో ‘సిటాడెల్’ వెబ్ సిరీస్‌లోనూ నటిస్తోంది.