మస్కట్: ఒమన్ సుల్తానేట్‌లో మంగళవారం భారీ వర్షాల సూచనలు ఉన్న కారణంగా ఒమన్ సుల్తానేట్ ఉత్తర గవర్నరేట్‌లలో పాఠశాలలకు సెలవులు ప్రకటించినట్లు విద్యా మంత్రిత్వ శాఖ ప్రకటించింది. ముసండం, నార్త్ అల్ బటినా, అల్ బురైమి, అల్ దహిరా గవర్నరేట్‌లలో మార్చి 28న అన్ని ప్రభుత్వ,  ప్రైవేట్ పాఠశాలలకు సెలవులు ఇచ్చినట్లు మంత్రిత్వ శాఖ ప్రకటించింది. మార్చి 29న పాఠశాలలు పునఃప్రారంభించబడతాయని విద్యా మంత్రిత్వ శాఖ ఆన్‌లైన్‌లో విడుదల చేసిన ప్రకటన వెల్లడించింది. నేషనల్ సెంటర్ ఫర్ ఎర్లీ వార్నింగ్ ఆఫ్ మల్టిపుల్ హజార్డ్స్ (NCEWMH), మినిస్ట్రీలో ఎమర్జెన్సీ మేనేజ్‌మెంట్ కోసం సెంట్రల్ కమిటీ జారీ చేసిన హెచ్చరిక నంబర్ (1)కి అనుగుణంగా ఈ నిర్ణయం తీసుకున్నట్లు విద్యాశాఖ పేర్కొంది.  విద్యార్థుల భద్రతకు సంబంధిత అధికారులతో వాతావరణ పరిస్థితులను ఎప్పటికప్పుడు పర్యవేక్షిస్తునట్లు తెలిపింది.