‘బాస్ పార్టీ’ అంటూ టాలీవుడ్‌లో మెగాస్టార్ చిరంజీవి సరసన స్పెషల్ స్టెప్పులు ఇరగదీసింది బాలీవుడ్ అందాల తార ఊర్వశి రౌతెలా. సినిమా సూపర్ హిట్ అవ్వడం, పాట కూడా ఓ ఊపు ఊపేయడంతో ఊర్వశి రౌతెలాకి టాలీవుడ్‌లో ఆఫర్లు పోటెత్తుతున్నాయట.

అందులో భాగంగానే ఆల్రెడీ బోయపాటి - రామ్ సినిమాలో స్పెషల్ సాంగ్ ఆఫర్ కొట్టేసింది ఊర్వశి రౌతెలా. తాజాగా ‘ఏజెంట్’ సినిమాలోనూ స్పెషల్ సాంగ్ చేస్తోందట ఊర్శశి. 

అఖిల్ హీరోగా రూపొందుతోన్న ఈ సినిమా ఏప్రిల్ నెలాఖరుకు ప్రేక్షకుల ముందుకు రానున్న సంగతి తెలిసిందే. ఈ సినిమాలోనూ ఊర్వశి ఐటెం సాంగ్ చేసిందనీ తాజా సమాచారమ్.

అఖిల్ మంచి డాన్సర్. ఊర్వశి డాన్స్ చేస్తే ఎంతటి వారైనా నిలబడి చూడాల్సిందే. మరి, ఈ ఇద్దరి కాంబినేషన్‌లో రాబోయే మాస్ మసాలా ఐటెం సాంగ్ ఎలా వుండబోతోందో చూడాలంటే మరికొద్ది రోజులు ఆగాల్సిందే.