బహ్రెయిన్‌: బంగారు ఆభరణాల దుకాణంలో సేల్స్‌మెన్‌ను మోసగించి డబ్బు చెల్లించకుండా పారిపోయినందుకు బహ్రెయిన్ కోర్టు ఒక వ్యక్తికి ఏడాది జైలు శిక్ష విధించింది. నగల దుకాణంలో దొంగతనం చేశారంటూ కేసు నమోదు చేసిన పోలీసులు.. విచారణ జరిపి అతడిని అరెస్ట్ చేశారు. ఆ వ్యక్తి ఆభరణాల దుకాణాన్ని సందర్శించి.. ఒక బంగారు వస్తువును ఎంపిక చేసి, ఆన్‌లైన్ దరఖాస్తును ఉపయోగించి చెల్లించడానికి ఆఫర్ చేసినట్లు కేసు ఫైల్స్ చెబుతున్నాయి. అయితే, ఆ వ్యక్తి బిల్ చేసిన మొత్తాన్ని యాప్ ద్వారా చెల్లించే క్రమంలో మాటల్లో పెట్టి లావాదేవీ పూర్తయిన్నట్లు చెప్పాడని, అనంతరం కొనుగోలు చేసిన వస్తువుతో షాపు నుంచి వేగంగా వెళ్లిపోయాడని సేల్స్ మెన్ తన ఫిర్యాదులో పేర్కొన్నాడు. అనంతరం చెక్ చేయగా.. బిల్ మొత్తాన్ని చెల్లించలేదని గుర్తించినట్లు బాధితుడు పోలీసులకు తెలిపాడు. పోలీసులు నిందితుడిని పట్టుకుని విచారించగా.. ఇదే పద్ధతిలో ఆ ప్రాంతంలోని ఇతర బంగారు దుకాణదారులను మోసం చేశాడని దర్యాప్తు అధికారులు కోర్టుకు తెలిపారు. ఆన్‌లైన్ లావాదేవీలు నిర్వహించేటప్పుడు, ముఖ్యంగా అధిక విలువ గల కొనుగోళ్లలో జాగ్రత్తగా ఉండవలసిన ప్రాముఖ్యతను ఈ సంఘటన హైలైట్ చేస్తుందని అధికారులు తెలిపారు.