మస్కట్: అల్ షర్కియా దక్షిణ ప్రాంతంలో వాడి ప్రవాహం నుంచి ఆరుగురిని అధికారులు రక్షించారు. కాగా, మరో ముగ్గురు గల్లంతయ్యారు. వీరి కోసం అన్వేషణ కొనసాగుతోందని సివిల్ డిఫెన్స్ అండ్ అంబులెన్స్ అథారిటీ (సీడీఏఏ) ప్రకటించింది. జలాన్ బనీ బు అలీలోని వాడి అల్-బాతా ప్రవాహంలో 9 మంది వ్యక్తులతో 3 వాహనాలు మునిగిపోయిన సంఘటన గురించి సీడీఏఏ బృందాలకు సమాచారం అందిందన్నారు. వెంటనే సంఘటన స్థలానికి వెళ్లిన రెస్క్యూ బృందాలు 6 మందిని రక్షించగా.. మరో ముగ్గురు గల్లంతు అయ్యారని వారి కోసం అన్వేషణ కొనసాగుతోందని సీడీఏఏ తెలిపింది.