కువైట్: 157 దేశాల జాబితాలో స్విట్జర్లాండ్ తర్వాత కువైటీలు అత్యంత సంతోషకరమైన అరబ్ ప్రజలుగా.. ప్రపంచంలో రెండవ సంతోషకరమైన దేశంగా కువైట్ నిలిచిందని హాంకే వార్షిక మిసరీ ఇండెక్స్ (HAMI) తెలిపింది. నిరుద్యోగం, ద్రవ్యోల్బణం, బ్యాంక్-లెండింగ్ రేట్ల మొత్తం, తలసరి వాస్తవ GDPలో వార్షిక శాతం మార్పుల ఆధారంగా ర్యాంకులను కేటాయించారు. ఇండెక్స్ ప్రకారం, కువైట్ 2022లో అన్ని రంగాలలో బలమైన పనితీరును సాధించింది.  ఇండెక్స్ ప్రకారం టాప్ 10 'సంతోషకరమైన' దేశాలుగా స్విట్జర్లాండ్, కువైట్, ఐర్లాండ్, జపాన్, మలేషియా, తైవాన్, నైజర్, థాయిలాండ్, టోగో, మాల్టా నిలిచాయి. టాప్ 10 'దయనీయమైన' దేశాల జాబితాలో జింబాబ్వే, వెనిజులా, సిరియా, లెబనాన్, సూడాన్, అర్జెంటీనా, యెమెన్, ఉక్రెయిన్, క్యూబా మరియు టర్కీ ఉన్నాయి.