యూఏఈ: ఉమ్ అల్ క్వైన్‌లోని పారిశ్రామిక ప్రాంతంలో శనివారం అగ్నిప్రమాదం జరిగినట్లు అధికారులు తెలిపారు. స్థానిక మీడియా కథనాల ప్రకారం.. ఉమ్ అల్ థౌబ్ ఇండస్ట్రియల్ ఏరియాలోని టెక్స్‌టైల్ ఫ్యాక్టరీలో మంటలు చెలరేగాయి. సమాచారం అందిన వెంటనే ఉమ్ అల్ క్వైన్ సివిల్ డిఫెన్స్ డిపార్ట్‌మెంట్ అగ్నిమాపక సిబ్బంది వెంటనే సంఘటన స్థలానికి చేరుకొని మంటలను అదుపులోకి తెచ్చారు.  కాగా, ఈ ఘటనలో ఎలాంటి ప్రాణనష్టం జరగలేదని అధికారులు తెలిపారు. అగ్నిప్రమాదానికి గల కారణాలను తెలుసుకునేందుకు దర్యాప్తు జరుపుతున్నట్టు అధికారులు పేర్కొన్నారు.