సౌత్‌లో వరుస సూపర్ హిట్లు కొట్టి స్టార్ హీరోయిన్ అనిపించేసుకున్న రష్మిక మండన్నా, ప్రస్తుతం బాలీవుడ్‌లోనూ సత్తా చాటుతోన్న సంగతి తెలిసిందే.
బ్యాక్ టు బ్యాక్ బాలీవుడ్ అవకాశాలు దక్కించుకుంది రష్మిక మండన్నా. అయితే, ఇంతవరకూ అక్కడ రష్మిక నటించిన సినిమాలన్నీ బాక్సాఫీస్ వద్ద దారుణంగా బోల్తా కొట్టేశాయ్.
ఇక, మిగిలున్నది ‘యానిమల్’ సినిమా ఒక్కటే, రణ్‌బీర్ కపూర్ జోడీగా రష్మిక నటించిన ఈ సినిమా లేటెస్ట్‌గా షూటింగ్ పూర్తి చేసుకుని త్వరలో రిలీజ్‌కి రెడీ అవుతోంది.
ఈ సినిమా సక్సెస్ అయితేనే, బాలీవుడ్‌లో రష్మిక కెరీర్ నిలదొక్కుకున్నట్లవుతుంది. లేదంటే, అంతే సంగతి. అయితే, ఈ సినిమా మంచి విజయం అందుకుంటుందని నమ్మకం వ్యక్తం చేస్తోంది రష్మిక మండన్నా. 
ఇటు, తెలుగులో రష్మిక ‘పుష్ప 2’ చిత్రంలో నటిస్తున్న సంగతి తెలిసిందే. అలాగే ఓ హీరోయిన్ సెంట్రిక్ మూవీలోనూ రష్మిక నటిస్తోంది.