రియాద్: సౌదీ పోస్ట్ లాజిస్టిక్స్ (SPL), హజ్ - ఉమ్రా మంత్రిత్వ శాఖ సహకారంతో హజ్ 2023 జ్ఞాపకార్థం స్టాంప్, పోస్ట్‌కార్డ్‌ను విడుదల చేసింది.  స్మారక స్టాంప్ SR3, పోస్ట్‌కార్డ్ SR5 ధరలలో అందుబాటులో ఉన్నాయి.  పవిత్ర ఖురాన్‌లోని సూరత్ అల్-హజ్ 27వ వచనం నుండి తీసుకోబడిన "ప్రజలందరినీ తీర్థయాత్రకు పిలవండి" అనే శీర్షికతో కొత్త తపాలా స్టాంపులు హజ్, ఉమ్రా మంత్రిత్వ శాఖ ప్రారంభించిన హజ్ సీజన్ 2023  ఏకీకృత మీడియా గుర్తింపుకు అనుగుణంగా తీసుకొచ్చారు. సౌదీ పోస్ట్ లాజిస్టిక్స్ విడుదల చేసిన మొత్తం స్మారక పోస్టల్ స్టాంపుల సంఖ్య దాదాపు 490కి చేరుకుంది. మతపరమైన పండుగలు, హజ్, పర్యాటక సీజన్లు మరియు గ్లోబల్, ఇస్లామిక్, అరబ్, గల్ఫ్ స్థాయిలలోని ప్రధాన ఈవెంట్‌లతో సహా ప్రత్యేక సందర్భాలలో SPL ద్వారా తపాలా స్టాంపులు కాలానుగుణంగా జారీ చేయబడతాయి.