యూఏఈ: టోక్యోలోని యూఏఈ ఎంబసీ ఎమిరేట్స్ పౌరులను ఉద్దేశించి సూచనలు చేసింది. ప్రతికూల వాతావరణం కారణంగా జపాన్‌లోని ఎమిరాటిస్‌లు జాగ్రత్తగా ఉండాలని ట్విట్టర్‌లో హెచ్చరికలు జారీ చేసింది. జూలై 11 వరకు క్యుషు ద్వీపం, ఫుకుయోకా, సాగా మరియు ఓయిటా ప్రాంతాలలో జాగ్రత్తగా ఉండాలని అధికార యంత్రాంగం పౌరులను కోరింది. తుఫాను ఈశాన్య దిశగా కదులుతుందని జపాన్ వాతావరణ సంస్థ హెచ్చరించింది.  జపాన్ అధికారులు జారీ చేసిన భద్రతా సూచనలను పాటించాలని యూఏఈ  రాయబార కార్యాలయం పౌరులను కోరింది. అత్యవసర పరిస్థితుల్లో యూఏఈ  పౌరులు +81-90-5966-3000 +97180024 నంబర్‌లను సంప్రదించాలని సూచించింది.