నాని 30 అంటూ ‘దసరా’ టైమ్‌లోనే నేచురల్ స్టార్ నాని తన 30 వ సినిమాకి సంబంధించిన అప్‌డేట్ ఇచ్చాడు. గ్లింప్స్‌ రిలీజ్ చేసి సినిమాపై అంచనాల్ని పెంచేశాడు.

తండ్రీ కూతురు సెంటిమెంట్‌తో ఈ సినిమా కథ నడుస్తుందని ఆ గ్లింప్స్ ద్వారా హింట్ ఇచ్చాడు నాని. లేటెస్ట్‌గా ఈ సినిమాకి సంబంధించి మరో అప్‌డేట్ వచ్చింది. ‘హాయ్ నాన్న’ అనే టైటిల్‌ని ఈ సినిమాకి ఫిక్స్ చేశారు.

దాంతో పాటు ఓ చిన్నపాటి టీజర్ కూడా రిలీజ్ చేశారు. టీజర్ బ్యాక్ గ్రౌండ్‌లో ఓ ఎమోషనల్ సాంగ్ రన్ అవుతుండగా.. ఓ చిన్నారితో ‘మా నాన్న..’ అని నాని క్యారెక్టర్ పరిచయం చేశారీ గ్లింప్స్‌లో. ఆ తర్వాత హీరోయిన్ మృణాల్ ఠాకూర్ ‘హాయ్ నాన్న’ అంటూ నానికి షేక్ హ్యాండ్ ఇస్తూ కనిపించింది. మృణాల్‌ని ‘మై బెస్ట్ ఫ్రెండ్ యశ్న’ అని ఆ చిన్నారి పరిచయం చేసింది. అంటే ఏంటీ.! ఏదో కొత్త కథనే ‘హాయ్ నాన్న’తో చెప్పబోతున్నారన్న మాట.

చూస్తుంటే, ‘హాయ్ నాన్న’ సినిమా ఓ ఇంట్రెస్టింగ్ సెంటిమెంట్ స్టోరీ అనిపిస్తోంది. శౌర్యువ్ ఈ సినిమాతో డైరెక్టర్‌గా పరిచయమవుతున్నాడు. డిశంబర్ 21న ఈ సినిమా ప్రేక్షకుల ముందుకు రానుంది.