ఏడాదికోసారి సందర్శకులకు అవకాశం కల్పించేందుకు షార్జా ఐలాండ్‌ సిద్ధమయ్యింది. షార్జాలోని సర్‌ బు నైర్‌ ఐలాండ్‌, మే 19, 20 తేదీల్లో సందర్శకులను సంభ్రమాశ్చర్యాలకు గురిచేయనుంది. సర్‌ బు నైర్‌ ఫెస్టివల్‌ సందర్భంగా సందర్శకులకు మంచి అనుభూతి కల్పించనుంది ఈ ఐలాండ్‌. స్కూబా డైవింగ్‌, సైట్‌ సీయింగ్‌, బోటింగ్‌, ధో రేసింగ్‌ మరియు హెరిటేజ్‌ షోలు ఈ ఫెస్టివల్‌లో ప్రధాన ఆకర్షణ కానున్నాయి. షార్జాకి నార్త్‌ వెస్ట్‌లో 90 కిలోమీటర్ల దూరంలో వున్న ఈ ఐలాండ్‌కి చేరుకోవడానికి విజిటర్స్‌ ప్రత్యేకంగా తమ సొంత ట్రాన్స్‌పోర్ట్‌ని సముద్ర మార్గం గుండా ఏర్పాటు చేసుకోవాల్సి ఉంటుంది. షార్జా ఎన్విరాన్‌మెంట్‌ అండ్‌ ప్రొటెక్టెడ్‌ ఏరియాస్‌ అథారిటీ (ఇపిఏఏ) 17వ ఎడిషన్‌ ఫెస్టివల్‌ని నిర్వహిస్తోంది. 'ది సీ ఈజ్‌ అవర్‌ లైఫ్‌' థీమ్‌తో ఈ వేడుకలు జరుగుతాయి. 4000 మందికి పైగా ఈ ఫెస్టివల్‌లో పాల్గొంటారని ఓ అంచనా. సముద్ర జీవుల పట్ల సందర్శకుల్లో అవగాహన కల్పించే కార్యక్రమాలను నిర్వహించనున్నారు.