ఉత్తర దిశ నుండి వచ్చిన పొడిగాలుల వలన ఇసుక తుఫాను ఏర్పడి మసీరా, ఇబ్రా, అల్ వుస్తా, అల్ బురైమీ ఇంకా అల్ దహీరా  వంటి ప్రదేశాలలో దృష్టి గోచరత తగ్గినట్టు ఒమన్ వాతావరణ శాఖ అధికారులు తెలిపారు. మస్కట్, దాని పరిసర ప్రాంతాలలో రానున్న కొద్ది రోజులు వేడి వాతావరణం నెలకొననున్నట్టు వారు వెల్లడించారు.
ఇది ఇలా ఉండగా, హైమాలో ఇసుక తుఫాను వలన ఇద్దరు ప్రవాసీయుల కారు ప్రమాదానికి గురై, వారు తీవ్ర గాయాలతో నిజ్వాలోని ఆసుపత్రిలో చేర్చబడ్డారు. ఇంకొక బంగ్లాదేశీయుడు కూడా ఈ ఆసుపత్రిలో చేరినట్టు తెలుస్తోంది.

--నూనె లెనిన్ కుమార్(ఒమాన్)