కువైట్: భారీ మొత్తంలో బంగారు ఆభరణాలను స్మగ్లింగ్ చేసేందుకు ప్రయత్నించిన ఆసియా ప్రవాసిని కువైట్ అంతర్జాతీయ విమానాశ్రయంలో అరెస్టు చేశారు. అధికారుల కథనం ప్రకారం.. ప్రవాసుడు విమానాశ్రయ భద్రతా తనిఖీల ద్వారా వెళుతుండగా, ప్రయాణీకుడి ప్రవర్తనపై భద్రతా సిబ్బందికి అనుమానం వచ్చింది.  క్షుణ్ణంగా తనిఖీ చేయగా.. ప్రయాణికుడి వద్ద రహస్యంగా దాచిన 10,000 కువైట్ దినార్ల విలువైన బంగారు ఆభరణాలను గుర్తించారు. తనిఖీ చేయగా, తన స్పాన్సర్ నుండి నగలు చోరీ చేసినట్లు ప్రవాసుడు అంగీకరించాడు. అతని స్పాన్సర్‌ని పిలిచి విచారించి, అతడి ఫిర్యాదు మేరకు నిందితుడిపై కేసు నమోదు చేశారు.