వియన్నా: అణు నైపుణ్యం, సహకారానికి సంబంధించి అంతర్జాతీయ అటామిక్ ఎనర్జీ ఏజెన్సీ (IAEA)తో సౌదీ అరేబియా ఒప్పందం చేసుకుంది. ఇందులో భాగంగా జూనియర్ ప్రొఫెషనల్ అధికారులకు ప్రత్యేక శిక్షణ అందనుంది. కింగ్ అబ్దుల్లా సిటీ ఫర్ అటామిక్ అండ్ రెన్యూవబుల్ ఎనర్జీ (KACARE) డైరెక్టర్ల బోర్డు ఛైర్మన్, ఇంధన మంత్రి ప్రిన్స్ అబ్దుల్ అజీజ్ బిన్ సల్మాన్, ఇంటర్నేషనల్ అటామిక్ ఎనర్జీ ఏజెన్సీ (IAEA) డైరెక్టర్ జనరల్ రాఫెల్ గ్రాస్సీతో జూనియర్ ప్రొఫెషనల్స్ ప్రోగ్రామ్ అగ్రిమెంట్‌పై సంతకం చేశారు. వియన్నాలో జరిగిన IAEA జనరల్ కాన్ఫరెన్స్ 67వ రెగ్యులర్ సెషన్ సందర్భంగా ఈ కార్యక్రమం జరిగింది. ఈ ఒప్పందం IAEAకి సంబంధించిన వివిధ సాంకేతిక రంగాలలో యువ జాతీయ ప్రతిభావంతులకు శిక్షణ ఇవ్వడం,  అభివృద్ధి చేయడం లక్ష్యంగా ఒప్పందం కుదిరింది.