బీపీ లేదా రక్తపోటు ఏదైనా కానీ, ఎక్కువైనా తక్కువైనా డేంజరే. కానీ, ఎక్కువ మంది అధిక రక్తపోటు సమస్యతోనే బాధపడుతున్నారని తాజా అధ్యయనాలు వెల్లడి చేశాయ్.
 జస్ట్ బీపీనే కదా.. అని అస్సలు లైట్ తీసుకోరాదట. ఒక్కసారి హై బీపీ అని టెస్ట్‌లో వైద్యులు నిర్ధారించిన తర్వాత. వైద్యుని సూచనలు, సలహాలు తీసుకోవడంతో పాటూ, జీవన శైలిలోనూ మార్పులు చేసుకోవడం తప్పనిసరి అని నిపుణులు చెబుతున్నారు.
మంచి ఆహారం తీసుకోవడం.. ప్రతీరోజూ వ్యాయామం చేయడం తప్పని సరి. అలాగే, మనసు ప్రశాంతంగా వుంచుకోవడం అనేది బీపీ పేషెంట్ల మొదటి తక్షణ కర్తవ్యం. నిజానికి ఇదే అసలు సిసలు ప్రాధమిక మెడిసెన్‌గా చెబుతున్నారు.
అధిక రక్తపోటు సమస్య కారణంగా అనేక తీవ్రమైన ఆరోగ్య సమస్యలు ఎదుర్కోవాల్సి వస్తుందట. ముఖ్యంగా రక్తపోటు ఎక్కువైతే కిడ్నీలు ఫెయిలవుతాయ్. అలాగే పక్షవాతం, గుండెనొప్పి.. చివరకు మరణం కూడా సంభవించొచ్చు.
బీపీ అనగానే ముందుగా ఉప్పు తినడం మానేయాలి అంటుంటారు. కానీ, ఉప్పు వాడకం తగ్గించాలి తప్ప.. పూర్తిగా మానేయకూడదు. పూర్తిగా మానేసినా అది మరో సమస్యకు దారి తీస్తుంది. తస్మాత్ జాగ్రత్త.!