మాస్ మహరాజా రవతేజ ‘ధమాకా’ సినిమాతో ఫుల్ ఫామ్‌లోకి వచ్చాడు. ఆ తర్వాత వెంటనే ‘వాల్తేర్ వీరయ్య’ సినిమాతో ఇంకో హిట్ కొట్టేశాడు. దాంతో రవితేజలో హుషారు మరిన్ని రెట్లయ్యింది. వరుసగా కొత్త ప్రాజెక్టులు ఒప్పుకోవడంతో పాటూ, సైమల్టేనియస్‌గా వాటిని పూర్తి చేస్తూ వస్తున్నాడు.

అందులో భాగంగానే ‘టైగర్ నాగేశ్వరరావు’ రిలీజ్‌కి సర్వం సిద్ధమైంది. ఈ శుక్రవారం సినిమా గ్రాండ్ రిలీజ్ చేస్తున్నారు. బయోపిక్ కావడంతో ఈ సినిమాపై కొన్ని అంచనాలున్నాయ్. ట్రైలర్‌కి మంచి రెస్సాన్స్ వచ్చింది. యాక్షన్ సన్నివేశాలు వేరే లెవల్‌లో వుంటాయని ప్రచారం జరుగుతోంది.

అలాగే, ‘టైగర్ నాగేశ్వరరావు’ బిజినెస్ కూడా బాగా జరిగిందని అంటున్నారు. అది ఇంతవరకూ రవితేజ కెరీర్‌లో జరగని బిజినెస్ అంటున్నారు. దాదాపు 40 కోట్ల వరకూ బిజినెస్ జరిగిందని ట్రేడ్ వర్గాల అంచనా. ఆ స్థాయిలో ప్రీ రిలీజ్ బిజినెస్ జరిగిందంటేనే ఈ సినిమాపై అంచనాలు ఏ రేంజ్‌లో వున్నాయో అర్ధం చేసుకోవచ్చు.

ఇక, ఈ సినిమాతో రేణూ దేశాయ్ సెకండ్ ఇన్నింగ్స్ స్టార్ట్ చేస్తోంది. ఆమె పాత్ర సర్‌ప్రైజింగ్‌గా వుండబోతోందట. అలాగే, నుపుర్ సనన్, గాయత్రీ భరద్వాజ్ వంటి హీరోయిన్లు మరో స్పెషల్ ఎలిమెంట్స్ ‘టైగర్ నాగేశ్వరరావు’కి. చూడాలి మరి, ఈ సారి మాస్ రాజా ఎలాంటి మ్యాజిక్ చేయబోతున్నాడో.