యూఏఈ: దేశంలోని చాలా ప్రాంతాలకు ఆరెంజ్, ఎల్లో అలర్ట్‌లను జాతీయ వాతావరణ కేంద్రం (NCM) జారీ చేసింది. బుధవారం యూఏఈలో వర్షాలు కురిసాయి. నివాసితులు ఆరుబయట వెళ్లేటప్పుడు జాగ్రత్తగా ఉండాలని వాతావరణ కేంద్రం హెచ్చరించింది.  అబుదాబి పోలీసులు కూడా నివాసితులకు - ముఖ్యంగా వాహనదారులకు హెచ్చరిక సందేశాలను పంపారు. రోడ్లన్నీ నీటితో నిండిపోతున్నందున వాహనదారులు వాహనాలు నడిపే సమయంలో అప్రమత్తంగా ఉండాలని కోరారు. ఎలక్ట్రానిక్ సైన్ బోర్డులపై ప్రదర్శించబడే మారుతున్న వేగ పరిమితులను తప్పనిసరిగా పాటించాలని సూచించారు. రస్ అల్ ఖైమాలోని కొన్ని ప్రాంతాలు కూడా వడగళ్ళు, ఉరుములతో కూడిన వర్షాలు పడ్డాయి. X హ్యాండిల్(ట్విటర్) స్టార్మ్ సెంటర్ రస్ అల్ ఖైమా విమానాశ్రయానికి సమీపంలో గాలి వాన కారణంగా చెట్టు ఊగుతున్న వీడియోను పోస్ట్ చేసింది. 

الامارات : الان هطول أمطار الخير على خت ومطار رأس الخيمة #اخدود_مطلع_الوسم #مركز_العاصفة
25_10_2023 pic.twitter.com/P4JCqyd7Tw

— مركز العاصفة (@Storm_centre) October 25, 2023