జెడ్డా: జాతీయ వాతావరణ కేంద్రం (NCM) మక్కా నగరం, జెద్దా మరియు మక్కా ప్రాంతంలోని మరో ఐదు గవర్నరేట్‌లలో(రాబిగ్, ఖులైస్, అల్-కమిల్, అల్-జమూమ్ మరియు బహ్రా) ఈ రోజు రాత్రి 12:00 గంటల నుండి మధ్యాహ్నం 1:00 గంటల వరకు రెడ్ అలర్ట్‌కు వాతావరణ హెచ్చరిక స్థాయిని పెంచినట్లు బుధవారం ప్రకటించింది.  NCM సూచన ప్రకారం.. భారీ వర్షాలు, అధిక వేగంతో కూడిన గాలులు, సమాంతర దృశ్యమానత లేకపోవడం, వడగళ్ళు, కుండపోత ప్రవాహాలు మరియు ఉరుములు, ఈ గవర్నరేట్‌లను తాకే అవకాశం ఉంది.  మక్కా ప్రాంతంలోని జెడ్డా, బహ్రా, రబీగ్, ఖులైస్, అలైత్ మరియు కున్‌ఫుదాలో మంగళ, బుధవారాల్లో మోస్తరు నుంచి భారీ వర్షాలు కురుస్తాయి. ఇదిలా ఉండగా.. పౌర రక్షణ జనరల్ డైరెక్టరేట్ ప్రజలను అత్యంత జాగ్రత్తగా,  అప్రమత్తంగా ఉండాలని సూచించింది. లోయల నుండి దూరంగా ఉండాలని, కుంటలు, వరదల్లో ఈత కొట్టడానికి సాహసించవద్దని పిలుపునిచ్చింది.