కువైట్: ప్రస్తుత 2023 సంవత్సరానికి ట్రాఫిక్ ఉల్లంఘనల మొత్తం విలువ సుమారు 66 మిలియన్ దినార్లు అని జనరల్ ట్రాఫిక్ డిపార్ట్‌మెంట్‌లోని ట్రాఫిక్ ఉల్లంఘనల పరిశోధన విభాగం డైరెక్టర్ బ్రిగేడియర్ జనరల్ ముహమ్మద్ సాద్ అల్-ఒటైబి తెలిపారు. 2023 సంవత్సరంలో మొత్తం 1,748,368 చెల్లించని ట్రాఫిక్ ఉల్లంఘనలు జరిగాయని, వీటి మొత్తం విలువ 44 మిలియన్ దినార్‌లను మించిందని ఓ ఇంటర్వ్యూలో ఆయన చెప్పారు.  ఈ ఉల్లంఘనల్లో ఎక్కువ భాగం శాశ్వతంగా దేశం విడిచి వెళ్లిన ప్రవాసులవి ఉన్నాయని తెలిపారు. ఈ ఏడాది తీవ్రమైన ట్రాఫిక్ ఉల్లంఘనలకు పాల్పడిన 122 మంది ప్రవాసులను దేశం నుంచి బహిష్కరించినట్లు పేర్కొన్నారు. ప్రస్తుతం ట్రాఫిక్ ఉల్లంఘనలు పూర్తిగా ఆటోమేటిక్‌గా మారాయన్నారు. ఉల్లంఘన రిజిస్టర్ చేయబడిన క్షణంలో సిస్టమ్‌లో రికార్డ్ చేయబడుతుందని, "సహల్" అప్లికేషన్ ద్వారా ఉల్లంఘించిన వ్యక్తికి సందేశం పంపబడుతుందని, ఉల్లంఘనల దర్యాప్తు విభాగంలో అభ్యంతరం చెప్పడానికి లేదా ఎలక్ట్రానిక్ చెల్లింపు లింక్ ద్వారా వెంటనే చెల్లించడానికి అతనికి హక్కు ఉంటుందని తెలిపారు.