హమాద్‌ మెడికల్‌ కార్పొరేషన్‌ ఆసుపత్రులు మరియు ప్రైమరీ హెల్త్‌ కేర్‌ సెంటర్స్‌ పూర్తిగా డిజిటల్‌ చేయనున్నాయి. జులై నాటికి ఈ డిజిటలైజేషన్‌ ప్రక్రియ పూర్తిస్థాయిలో అందుబాటులోకి రానుందని సీనియర్‌ అధికారి ఒకరు చెప్పారు. క్లినికల్‌ ఇన్ఫర్మేషన్‌ సిస్టమ్‌ ద్వారా, పేపర్‌లెస్‌ పేషెంట్‌ రికార్డ్స్‌ సాధ్యమవుతాయనీ, వీటి ద్వారా ఓ పేషెంట్‌కి సంబంధించిన పూర్తి సమాచారం డాక్టర్‌కి క్షణాల్లో తెలుస్తుందని అధికారులు వివరించారు. క్యాన్సర్‌, డయాబెటిస్‌ వంటి వ్యాధుల సమయంలో ఈ సిఐఎస్‌ ఎంతో ఉపయుక్తంగా ఉంటుందని మెడికల్‌ అండ్‌ అకడమిక్‌ అండ్‌ రీసెర్చ్‌ ఎఫైర్స్‌ ఫర్‌ సిఐఎస్‌ ఎట్‌ హెచ్‌ఎంఎస్‌ డిప్యూటీ చీఫ్‌ డాక్టర్‌ అబ్దుల్‌ వాహమబ్‌ అల్‌ ముస్లె చెప్పారు. ఓ వ్యక్తికి వైద్యం చేస్తున్న సమయంలో, ఆ రోగికి సంబంధించిన పూర్తి సమాచారాన్ని ఒక్క బటన్‌ ద్వారా అందుబాటులోకి వస్తే, ఆ డాక్టర్‌ ఆ రోగికి మరింత సమర్థవంతంగా చికిత్స అందించగలరని ఆయన చెప్పారు. తమ సంస్థలో ఈ సిఐఎస్‌కి సంబంధించి ప్రతి ఒక్కరికీ అవగాహన కల్పిస్తున్నామని డాక్టర్‌ అల్‌ ముస్లె చెప్పారు. పూర్తిస్థాయిలో సిఐఎస్‌ అందుబాటులోకి వస్తే ఖతార్‌, ప్రపంచంలోనే రెండో దేశంగా ఇంటిగ్రేటెడ్‌ ఎలక్ట్రానిక్‌ హెల్త్‌ రికార్డ్‌ విభాగంలో అరుదైన గుర్తింపును సొంతం చేసుకోనుంది.