‘వీర సింహారెడ్డి’ సినిమాతో మలయాళ బ్యూటీ హనీ రోజ్‌ని టాలీవుడ్‌కి తీసుకొచ్చాడు నందమూరి బాలయ్య. ఈ సినిమాలో తన పాత్రకు గాను మంచి మార్కులేయించుకుంది హనీ రోజ్.
ఈ సినిమాతో వచ్చిన ఫేమ్‌తో ఇంకేముంది.! హనీ రోజ్ తెలుగులో తెగ బిజీ అయిపోతుందనుకున్నారంతా. కానీ అలా జరగలేదు. ఆమె ఖాతాలో మళ్లీ ఇంకో సినిమా పడిందే లేదు.
తాజాగా బాలయ్య సినిమాలోనే మరో ఛాన్స్ అందుకున్నట్లు తెలుస్తోంది. బాలయ్య, బాబీ కాంబినేషన్‌లో సినిమా రీసెంట్‌గా స్టార్ట్ అయిన సంగతి తెలిసిందే. ఈ సినిమాలో హీరోయిన్‌ ఇంకా కన్‌ఫామ్ కాలేదు కానీ, హనీరోజ్‌కి మాత్రం ఓ ఇంపార్టెంట్ రోల్ కన్‌పామ్ అయ్యిందట.
సితార ఎంటర్‌టైన్‌మెంట్స్ బ్యానర్‌లో ప్రతిష్టాత్మకంగా ఈ సినిమా రూపొందుతోంది. అన్నట్లు ఈ సినిమాలో మలయాళ హీరో దుల్కర్ సల్మాన్ మరో కీలక పాత్రలో కనిపించనున్నాడు.
‘సీతారామం’ సినిమాతో తెలుగులో మంచి పేరు తెచ్చుకున్నాడు దుల్కర్. తెలుగు ప్రేక్షకుల మనసులో ప్రత్యేకమైన స్థానం కూడా సంపాదించుకున్నాడు. మరి, ఈ సినిమాలో ఆయన కోసం ఏ స్పెషల్ రోల్ క్రియేట్ చేశాడో డైరెక్టర్ బాబీ చూడాలిక.