ప్యాన్ ఇండియా, ప్యాన్ వరల్డ్ అంటూ సినిమా స్థాయి ఖండాలు దాటేస్తున్న ఈ తరుణంలో మహేష్ బాబు సినిమా ‘గుంటూరు కారం’ మాత్రం పక్కా తెలుగుతనంతో తెరకెక్కుతోంది.

అయినా కానీ, ఈ సినిమాకి బీభత్సమైన బిజినెస్ జరుగుతోంది. విలువలతో కూడిన నిర్మాణంతో రూపొందుతోంది. సినిమాపై మంచి బజ్ క్రియేట్ అవుతోంది.

సంక్రాంతి టార్గెట్‌గా వస్తోన్న ఈ సినిమాపై ఇంత క్రేజ్, బజ్ క్రియేట్ కావడానికి కారణం కాంబినేషన్‌కి వున్న క్రేజే. త్రివిక్రమ్, మహేష్ కాంబో అంటే ఆ క్రేజ్ వేరే లెవల్.

గతంలో ఈ కాంబినేషన్‌లో వచ్చిన సినిమాల రిజల్ట్ అలాంటిది. అందుకే ఇంత బజ్. సినిమా మొదలైన కొత్తల్లో అనేక రకాల సమస్యలు వెంటాడాయ్ ఈ సినిమాని.

దాంతో బోలెడంత నెగిటివిటీ మూటకట్టుకుంది. కానీ, ఆ నెగిటివిటీని పాజిటివ్ వైపుకు మళ్లించే దిశగా సినిమాని తయారు చేస్తున్నాడు త్రివిక్రమ్ శ్రీనివాస్. అవుట్ పుట్ చాలా బాగా వస్తోందట.

ఖచ్చితంగా సంక్రాంతి బరిలో హిట్టు సినిమా అవుతుందని అంచనా వేస్తున్నారు. శ్రీలీల, మీనాక్షి చౌదరి హీరోయిన్లుగా నటిస్తున్నారు.