ఎడ్యుకేషన్‌ మినిస్ట్రీ, సౌదీ అరేబియాలోని స్కూల్‌ ప్రిన్సిపల్స్‌కి హెచ్చరికలు జారీ చేసింది. అధికారికంగా వేసవి సెలవులు ప్రకటించడానికి ముందే, టీచర్లకు ప్రిన్సిపల్‌ ముందస్తు సెలవులు మంజూరు చేస్తే కఠిన చర్యలు తప్పవని ఈ ఆదేశాల్లో పేర్కొంది ఎడ్యుకేషన్‌ మినిస్ట్రీ. జూన్‌ 10నుంచి సమ్మర్‌ హాలీడేస్‌ ప్రారంభం కానుండగా, కొన్ని స్కూళ్ళలో టీచర్లు ఇప్పటికే సెలవులు తీసుకున్నట్లుగా ఫిర్యాదులు వస్తున్నాయి. స్కూళ్ళలో విద్యార్థులు సరైన పాఠాలు బోధించే టీచర్లు లేక ఖాళీగానే ఉండాల్సి వస్తుందని పేరెంట్స్‌ ఆవేదన చెందుతున్నారు. దాంతో, ఎడ్యుకేషన్‌ మినిస్ట్రీ సీరియస్‌గా స్పందించింది. అయితే టీచర్స్‌ వాదన ఇంకోలా ఉంది. జూన్‌ 3 నుంచి వేసవి సెలవులు ప్రారంభమయితే బాగుండేదని, రంజాన్‌ సందర్భంగా ముందస్తుగా సెలవుల్ని ఆశిస్తున్నామని వారు అంటున్నారు. తమ కుటుంబాలకు దూరంగా ఉంటున్న టీచర్లు, ప్రభుత్వానికి ముందస్తు సెలవులపై విజ్ఞప్తి చేస్తున్నారు.