సౌత్ క్వీన్ నయన తారకు టాలీవుడ్‌లో ఓ మంచి హీరో కావాలట. అదేంటీ.! నయన తారకు హీరో కావాలేమిటి.? ఏంటి దీని అర్ధం.. అంటారా.? అదేనండీ.! నయన్ భర్త దర్శకుడు విఘ్నేష్ శివన్ ఓ సినిమా తెరకెక్కించబోతున్నాడట.

ఆ సినిమాని తెలుగు, తమిళ భాషల్లో బైలింగ్వల్ మూవీగా రూపొందించబోతున్నాడట. ఈ సినిమా కోసం ఓ టాలీవుడ్ హీరోని తీసుకోవాలనుకుంటున్నాడట.

ఆ బాధ్యతని భార్య నయన తారకు అప్పగించాడట. ఆమె అదే పనిలో బిజీగా వుందట. ఓ మినిమమ్ గ్యారంటీ హీరో కోసం నయన తార వెతుకులాట ప్రారంభించిందనీ సమాచారం.

ఈ సినిమాకి నయన తార నిర్మాతగా వ్యవహరించనుందట. ప్రస్తుతం నయన తార బాలీవుడ్‌లో పాగా వేసేందుకు ప్రయత్నిస్తోంది. తొలి ప్రయత్నమైన ‘జవాన్’ సూపర్ హిట్ అయ్యింది. దాంతో బాలీవుడ్‌లో వరుస అవకాశాలు వస్తున్నాయట నయన తారకు.

దాంతో, సౌత్ సినిమాలను తాత్కాలికంగా పక్కన పెట్టి బాలీవుడ్ సినిమాలపై ఫోకస్ పెట్టినట్లు తెలుస్తోంది. సల్మాన్ ఖాన్‌తో ఓ సినిమాకి నయన తార సైన్ చేసినట్లు తెలుస్తోంది.