గాంబియన్‌ మీడియా, ప్రెసిడెంట్‌ యాయా జెమ్మెకి కువైట్‌ నుంచి బాడీగార్డులను పంపుతున్నట్లుగా చేస్తున్న ప్రచారాన్ని కువైట్‌ ఖండించింది. ఆఫ్రికన్‌ అఫైర్స్‌ అసిస్టెంట్‌ పారిన్‌ మినిస్టర్‌ హమాద్‌ అల్‌ మషాన్‌ మాట్లాడుతూ, ఈ వార్తల్లో నిజం లేదని చెప్పారు. 320 మంది శిక్షణ పొందిన బాడీగార్డుల్ని గాంబియాకి కువైట్‌ పంపుతున్నారనే వార్తలు గాంబియన్‌ మీడియాలో వెల్లువెత్తాయి. ఏప్రిల్‌ 2016లో గాంబియా ప్రెసిడెంట్‌ భార్య మేడమ్‌ జైనాబ్‌ కువైట్‌లో పర్యటించిన సందర్భంలో ఈ ఒప్పందం కుదిరిందని ఓ వార్తా పత్రిక కథనాన్ని ప్రచురించింది. గాంబియాని ఇస్లామిక్‌ దేశంగా మార్చే ప్రయత్నాల్లోనే ఇదంతా జరుగుతోందని ఆ కథనంలో విశ్లేసించగా, కువైట్‌ తాము అలాంటి చర్యలకు పాల్పడటం లేదనీ, ఎలాంటి సమాచారం లేకుండా ఆ వార్తలు రాశారని పేర్కొంది.