మస్కట్: రాయల్ ఎయిర్ ఫోర్స్ ఆఫ్ ఒమన్ (RAFO) ఈరోజు ప్రతి సంవత్సరం డిసెంబర్ 11న సుల్తాన్ సాయుధ దళాల దినోత్సవాన్ని (SAF డే) జరుపుకుంది. రక్షణ మంత్రిత్వ శాఖ సెక్రటరీ జనరల్ డాక్టర్‌ మహ్మద్ నాసర్ అల్ జాబీ ఆధ్వర్యంలో వేడుక జరిగింది. అల్ సీబ్ ఎయిర్ బేస్ లో ఈ వేడుక జరిగింది. ముఖ్య అతిథికి సైనిక వందనంతో ఇది ప్రారంభమైంది. RAFO బ్యాండ్ రాయల్ యాంథమ్‌ను ప్లే చేసింది. ఈ వేడుకలో RAFO ఫ్రీ ఫాల్ టీమ్ ప్రదర్శించిన పారాచూట్ షో ఆకట్టుకున్నది. ఈ వేడుక RAFO మిలిటరీ సిబ్బందికి ఉన్న అధిక సామర్థ్యాలు, నైపుణ్యాలను తెలియజేసింది. ఉత్సవాల ముగింపు సందర్భంగా ఏర్పాటు చేసిన ప్రదర్శనను అతిథులు, సందర్శకులు తిలకించారు. ఎగ్జిబిషన్‌లో రాయల్ ఎయిర్ ఫోర్స్ ఆఫ్ ఒమన్ చేపట్టిన మిషన్‌లను ప్రోత్సహించే అధునాతన విమానాలు, ఆయుధాలు మరియు పరికరాలను ప్రదర్శించారు. ఈ కార్యక్రమంలో సుల్తాన్ సాయుధ దళాల చీఫ్ ఆఫ్ స్టాఫ్ (SAF), ఇతర సైనిక మరియు భద్రతా విభాగాల ప్రస్తుత కమాండర్లు,  సీనియర్ అధికారులు, రిటైర్డ్ RAFO సైనికులు, పాఠశాల విద్యార్థులు పాల్గొన్నారు.