యూఏఈ: దుబాయ్‌లో నూతన సంవత్సర వేడుకల కోసం దుబాయ్ మెట్రో,  ట్రామ్ సిద్ధమయ్యాయి. ఈ రెండు ప్రధాన పబ్లిక్ రవాణా సేవలు డిసెంబర్ 31 నుంచి 40 గంటల పాటు నాన్‌స్టాప్‌గా నడుస్తాయని రోడ్లు మరియు రవాణా అథారిటీ (RTA) సీనియర్ అధికారి బుధవారం తెలిపారు. దుబాయ్ మెట్రో డిసెంబర్ 31 ఉదయం 8 నుండి జనవరి 1న తెల్లవారుజాము, దుబాయ్ ట్రామ్ డిసెంబర్ 31 ఉదయం 9 నుండి జనవరి 2తెల్లవారుజామున 1 వరకు నడుస్తాయి. ఆర్టీఏ 230 బస్సులను ఉచితంగా ప్రజలకు అందుబాటులోకి తీసుకురావాలని కూడా యోచిస్తోందని ఆర్టీఏ సీఈఓ అబ్దుల్లా యూసిఫ్ అల్ అలీ తెలిపారు. నూతన సంవత్సర వేడుకలను చూసేందుకు వచ్చే ప్రజలకు తగిన పార్కింగ్ ఉండేలా అల్ వాస్ల్,  అల్ జాఫిలియాలో సుమారు 900 అదనపు పార్కింగ్ స్థలాలను ఏర్పాటు చేసినట్లు తెలిపారు.