ఒకప్పుడు ఆ హీరో ఓ సెన్సేషన్. ఏకంగా డబుల్ హ్యాట్రిక్ కొట్టి.. అందనంత ఎత్తుకు ఎదిగిపోయాడు. జూనియర్ మాస్ రాజా అంటూ అప్పట్లో ఫ్యాన్స్ ముద్దుగా పిలుచుకున్నారు కూడా ఆ హీరోని.

ఆయన ఎవరో మీకిప్పటికే అర్ధమైపోయి వుంటుంది. ఆయన మరెవరో కాదు, రాజ్ తరుణ్. ‘ఉయ్యాలా జంపాలా’ సినిమాతో తెలుగు తెరకు హీరోగా పరిచయమై, ఆ తర్వాత వరుస హిట్లు కొట్టి, క్రేజీ హీరో అనిపించుకున్నాడు.

అయితే, ఆ యోగం ఎంతో కాలం నిలవలేదు రాజ్ తరుణ్‌కి. డబుల్ హ్యాట్రిక్ తర్వాత వరుసగా పరాజయాలు వెంటాడాయ్. దాంతో, అడ్రస్ గల్లంతైపోయింది. ఏ సినిమా చేసినా కలిసి రాలేదు.

ఇక లేటెస్ట్‌గా మనసు మార్చుకున్న రాజ్ తరుణ్, నాగార్జునతో ‘నా సామిరంగా’ సినిమాలో నటించడానికి సిద్ధపడ్డాడు. ఈ సినిమాలో రాజ్ తరుణ్ పాత్రను చాలా బాగా డిజైన్ చేశారని అంటున్నారు.

అలాగే, రాజ్ తరుణ్‌తో పాటూ, అల్లరి నరేష్ కూడా ఈ సినిమాలో ఇంపార్టెంట్ రోల్ పోషిస్తున్న సంగతి తెలిసిందే. ఓ వైపు నాగార్జున, మరోవైపు అల్లరి నరేష్.. ఈ ఇద్దరి మధ్యా మన యంగ్ హీరో నలిగిపోతాడో.. లేదంటే మంచి టర్నింగ్ తీసుకుంటాడో తెలియాలంటే, ఈ నెల 13 వరకూ వెయిట్ చేయాల్సిందే.