రియాద్: రియాద్‌కు ఉత్తరాన ఉన్న అట్షానాలోని ఒక కర్మాగారంలో మంగళవారం తెల్లవారుజామున 2:30 గంటలకు ప్రమాదం చోటుచేసుకుంది. ఇందులో ఇద్దరు మృతి చెందగా.. నలుగురు గాయపడ్డారు. సౌదీ కెమికల్ కంపెనీ హోల్డింగ్‌కు అనుబంధ సంస్థ అయిన సౌదీ కెమికల్ కంపెనీ లిమిటెడ్ యాజమాన్యంలో ఉన్న ఫ్యాక్టరీలో ఈ ప్రమాదం జరిగింది. "ఈ విషాద ప్రమాదం సంస్థ మరియు సమాజాన్ని తీవ్రంగా ప్రభావితం చేసింది.  మరణించిన వారి కుటుంబాలకు మా హృదయపూర్వక సానుభూతిని తెలియజేస్తున్నాము. గాయపడినవారు త్వరగా కోలుకోవాలని కోరుకుంటున్నాము." అని కంపెనీ ఒక ప్రకటనలో తెలిపింది. ప్రమాద కారణాన్ని గుర్తించడానికి దర్యాప్తు కొనసాగుతున్నదని అధికారులు తెలిపారు.