ఇప్పుడు సినిమాల్లో ఏదైనా తప్పులు దొర్లితే చాలు.. ఇట్టే పట్టేస్తున్నారు. మనోభావాల పేరుతో కేసులు, ధర్నాలూ చేస్తున్నారు. కొన్ని సందర్భాల్లో ఈ తరహా గొడవలు ఆయా సినిమాలకి ఫ్రీ పబ్లిసిటీని తెచ్చిపెడుతున్నాయనుకోండి. అయితే, కొన్ని సినిమాలు మాత్రం దెబ్బ తినేస్తున్నాయ్.

అసలు మ్యాటర్ ఏంటంటే, తాజాగా సౌత్ క్వీన్, లేడీ సూపర్ స్టార్ నయనతార నటించిన ‘అన్నపూరణి’ సినిమా ఇలాగే గొడవల్లో చిక్కుకుంది.

కారణమేంటంటారా.? ఈ సినిమాలో బ్రాహ్మణ కుటుంబానికి చెందిన అమ్మాయిగా నయన తార నటించింది. కానీ, ఓ ముశ్లింతో ప్రేమలో పడడం.. అంతేకాదు, తన డ్రీమ్ నెరవేర్చుకునే దిశగా ఇండియా గర్వించదగ్గ ఛెఫ్ అవ్వాలని కోరుకోవడం.. ఆ క్రమంలో నాన్‌వెజ్ కూడా భుజించాల్సి వస్తుంది.

ఇదే ఇప్పుడు హిందువుల మనోభావాలు దెబ్బ తినడానికి కారణమైంది. దాంతో, నయన తారపై కేసులు పెట్టారు. ఇలాంటి కథల్ని ఎంకరేజ్ చేయకూడదంటూ మత విద్వేషాల్ని రెచ్చగొట్టేలా వుందని వాదిస్తున్నారు.

ఈ సినిమా ప్రస్తుతం ఓటీటీలో అందుబాటులో వుంది. ధియేటర్లో అంతంత మాత్రమే అనిపించుకున్నప్పటికీ.. ఓటీటీలో మాత్రం ఈ సినిమాకి ఆదరణ బాగానే దక్కుతోంది. తాజా పరిణామాలతో ఆ పరిస్థితి ఎలా మారుతుందో ఈ గొడవ ఎంత దూరం వెళుతుందో చూడాలి మరి.