రాజమౌళి రూట్లోనే ఆయన కొడుకు కార్తికేయ వెళ్తాడని చాలామంది అనుకున్నారు. ఆయన డైరెక్టర్ అవుతాడో లేదో తెలియదుగానీ, ఎట్ ప్రజెంట్ బిజినెస్‌లోకి అడుగుపెట్టేశాడట. తన క్లోజ్‌ఫ్రెండ్‌తో కలిసి 'ది సర్క్యూట్' పేరుతో ఓ హోటల్‌ని ప్రారంభించినట్టు సమాచారం. హైదరాబాద్‌లోని కొండాపూర్‌లో న్యూ వెంచర్‌ని మొదలుపెట్టినట్టు వార్తలు వెలువడుతున్నాయి. ఆ విషయాన్ని బాహుబలి ప్రొడ్యూసర్ శోభుయార్లగడ్డ తన ట్విట్టర్ ద్వారా తెలిపాడు. ప్రాన్స్ పలావ్- రవ్వదోశ ఇక్కడ ట్రై చేయండంటూ ఆయన ట్వీట్ చేశాడు.రాజమౌళి కొడుకు న్యూ బిజినెస్ మొదలుపెట్టాడని తెలిసినప్పట్నుంచి ఇండస్ట్రీలోని ప్రముఖులు అటువైపు లుక్కేసినట్టు సమాచారం. పనిలోపనిగా కార్తికేయకి విషెస్ చెబుతున్నారు. ఇంతకీ ఈ హోటల్‌ రాజమౌళి కొడుకుదా? లేక క్లోజ్‌ఫ్రెండ్‌దా? ఈ విధంగా ప్రమోట్ చేస్తున్నాడా? అన్న డౌట్‌ని సినీలవర్స్ వ్యక్తంచేస్తున్నారు. మొత్తానికి సోషల్ మీడియాని యూజ్ చేయడంలో తండ్రిని మించిపోయాడన్న కామెంట్స్ మరోవైపు పడిపోతున్నాయి.