కువైట్: గల్ఫ్ కో-ఆపరేషన్ కౌన్సిల్ (GCC) దేశాల యూనిఫైడ్ గల్ఫ్ ట్రాఫిక్ వీక్ సందర్భంగా ప్రారంభమైన తీవ్ర ట్రాఫిక్ అవగాహన ప్రచారం.. 2023 సంవత్సరంలో దేశంలో రోడ్డు ప్రమాదాల కారణంగా మరణాల సంఖ్యను తగ్గించడంలో దోహదపడిందని పబ్లిక్ రిలేషన్స్ అండ్ ట్రాఫిక్ అవేర్‌నెస్ విభాగం అంతర్గత వ్యవహారాల మంత్రిత్వ శాఖలోని జనరల్ ట్రాఫిక్ డిపార్ట్‌మెంట్ (జిటిడి) మేజర్ అబ్దుల్లా బు హసన్ తెలిపారు. దేశంలో ట్రాఫిక్ ప్రమాదాల్లో 2023లో 296 మంది మరణించగా..  అంతకుముందు సంవత్సరం 2022లో 322 మంది మరణించారు. ఈ ప్రచారంలో భాగంగా రేడియో మరియు టెలివిజన్ ద్వారా అనేక అవగాహన కార్యక్రమాలు, ఉపన్యాసాలతోపాటు నిబంధనలు ఉల్లంఘించేవారిపై చట్టాన్ని కఠినంగా అమలు చేయడం, నిర్లక్ష్యాన్ని నిరోధించడం, ప్రతికూల దృగ్విషయాలను తగ్గించడం, GTDలోని ప్రివెంటివ్ డిటెన్షన్ సెల్‌లో నిర్బంధించబడిన వారికి తీవ్రమైన నేరాలకు పాల్పడినందుకు అవగాహన కల్పిస్తున్నట్లు తెలిపారు. ఫిక్ నియంత్రణ కెమెరాల ఏర్పాటు, కెమెరాల ద్వారా ప్రత్యక్షంగా మరియు పరోక్షంగా ఉల్లంఘనలను పర్యవేక్షిస్తుందన్నారు. కంప్యూటర్ సిస్టమ్‌లో కచ్చితమైన డేటా నిల్వ ఉన్నందున ట్రాఫిక్ నిబంధనలను ఉల్లంఘించిన వారిని వెంటనే పట్టుకోవడం వల్ల ట్రాఫిక్ ఉల్లంఘనలను పర్యవేక్షించే ప్రక్రియను సులభతరం చేసినట్లు వెల్లడించారు. సాహిల్ యాప్ ద్వారా  ఉల్లంఘనలకు పాల్పడిన వారికి హెచ్చరికలు జారీ చేయబడతాయని, రాసీదే(Rased) ద్వారా వారి ప్రవర్తనను పర్యవేక్షించడం ద్వారా పిల్లలపై తల్లిదండ్రుల నియంత్రణ పాత్రను బలోపేతం చేస్తాయన్నారు. రోడ్లపై ప్రమాదాల గురించి ప్రజలకు అవగాహన కల్పించడం, రోడ్లపై ఆకస్మిక వాహనాలు బ్రేక్‌డౌన్‌లు, చిన్నచిన్న ప్రమాదాల నివారణకు సరైన మార్గం, డెలివరీ బైక్‌ల కదలికలను నిర్వహించడం, ప్రమాదకరమైన రోడ్ల నుండి దూరంగా ఉంచడం వంటివి కూడా రోడ్డు ప్రమాద మరణాలను తగ్గించడంలో దోహదపడ్డాయని ఆయన సూచించారు.