యూఏఈ: గత సంవత్సరం నగరంలో 185,000 కంటే ఎక్కువ చెట్లను నాటినట్లు దుబాయ్ మునిసిపాలిటీ వెల్లడించింది. ప్రతిరోజు సగటున 500చెట్లను నాటింది.  దీంతో 234 హెక్టార్లలో గ్రీనరీని అథారిటీ పెంచింది. ఇది 2022లో 170 హెక్టార్లుగా ఉంది. రోడ్లు మరియు ఉద్యానవనాలు సహా 210 ప్రదేశాలలో చెట్లను నాటారు.  స్థానిక రకాల్లో ఘఫ్, సిద్ర్, సుమర్, వేప, ఆలివ్, సమోరోవా పామ్, ఇండియన్ జాస్మిన్ మరియు తాటి చెట్లను నాటినట్లు అథారిటీ తెలిపింది. అలాగే ఆకుపచ్చ ఆకులకు ప్రసిద్ధి చెందిన చెట్లలో వాషింగ్టోనియా, బిస్మార్కియా, సూడోబాంబాక్స్, పోయిన్సియానా, బౌగెన్‌విల్లె, అకేసియా ఫర్నేసియానా మరియు డార్సినా వంటి చెట్లకు ప్రాధాన్యత ఇచ్చినట్లు దుబాయ్ మునిసిపాలిటీ డైరెక్టర్ జనరల్ దావూద్ అల్ హజ్రీ తెలిపారు. పచ్చని ప్రదేశాలు పర్యావరణ పరిరక్షణతోపాటు నివాసితులు, పర్యాటకులకు ఆహ్లాదాన్ని అందజేస్తాయన్నారు.