యూఏఈ: దుబాయ్‌లోని అల్‌ కూజ్ ప్రాంతంలో సోమవారం ఉదయం భారీ అగ్నిప్రమాదం సంభవించింది. ఆకాశంలో నల్లటి మబ్బులు కమ్ముకున్నాయి. అటుగా వెళుతున్న ప్రయాణికులు భయంతో పరుగులు తీశారు. పారిశ్రామిక ప్రాంతంలోని గోదాము సమీపంలో మంటలు చెలరేగినట్లు ప్రాథమికంగా తెలుస్తోంది. అనేక మంది నివాసితులు తీసిన ప్రమాద వీడియోలు సోషల్ మీడియా వేదికగా వైరల్ అవుతున్నాయి. అయితే, సమాచారం అందుకున్న ఫైర్ ఫైటర్స్ సంఘటనా స్థలానికి చేరుకొని మంటలను అదుపుచేశారు. ప్రమాదానికి గల కారణాలపై విచారణ జరుపుతున్న అధికారులు తెలిపారు.