యూఏఈ: జనవరిలో అత్యంత రద్దీగా ఉండే గ్లోబల్ ఎయిర్‌పోర్ట్‌గా దుబాయ్ ఇంటర్నేషనల్ (DXB) విమానాశ్రయం ఒక స్థానం మెరుగుపడి టాప్ ప్లేస్ లోకి వచ్చింది. ఏవియేషన్ కన్సల్టెన్సీ OAG విడుదల చేసిన డేటా ప్రకారం.. అతిపెద్ద అంతర్జాతీయ క్యారియర్ ఎమిరేట్స్‌కు నిలయమైన దుబాయ్ ఇంటర్నేషనల్ జనవరి 2024లో 5 మిలియన్ సీట్లను నమోదు చేసింది. అట్లాంటా హార్ట్‌ఫీల్డ్-జాక్సన్ ఇంటర్నేషనల్ ఎయిర్‌పోర్ట్ (ATL)ని (4.7 మిలియన్ సీట్లు)అధిగమించింది. గత నెలతో పోలిస్తే జనవరిలో అమెరికా విమానాశ్రయం సామర్థ్యం 8 శాతం తగ్గింది. జనవరి 2023లో దుబాయ్ ఇంటర్నేషనల్ ఎయిర్‌పోర్ట్ (DXB) రెండవ అత్యంత రద్దీగా ఉండే అంతర్జాతీయ విమానాశ్రయంగా నిలిచింది. 2023లో 56.5 మిలియన్ సీట్లతో DXB అత్యంత రద్దీగా ఉండే అంతర్జాతీయ విమానాశ్రయంగా  ర్యాంక్ పొందింది. మిడిల్ ఈస్ట్ ఏవియేషన్ హబ్ గా దుబాయ్ ఎయిర్పోర్ట్ గత సంవత్సరంతో పోలిస్తే ఈ సంవత్సరం సీట్లలో 25 శాతం పెరుగుదలను నమోదు చేయడం గమనార్హం. టాప్ 10 రద్దీగా ఉండే అంతర్జాతీయ విమానాశ్రయాలు మొత్తం సామర్థ్యాన్ని (దేశీయ మరియు అంతర్జాతీయ) ఉపయోగించి లెక్కిస్తారు. టోక్యో ఇంటర్నేషనల్ (హనేడా), గ్వాంగ్‌జౌ, లండన్ హీత్రో, డల్లాస్/ఫోర్ట్ వర్త్, షాంఘై పుడాంగ్, డెన్వర్ ఇంటర్నేషనల్, ఇస్తాంబుల్ మరియు బీజింగ్ క్యాపిటల్ ఇంటర్నేషనల్ విమానాశ్రయాలు జనవరిలో 10 అత్యంత రద్దీగా ఉండే గ్లోబల్ విమానాశ్రయాల జాబితాలో ఉన్నాయి. దుబాయ్ అత్యంత రద్దీగా ఉండే అంతర్జాతీయ విమానాశ్రయంగా తన స్థానాన్ని నిలబెట్టుకుంది.ఆ తర్వాత లండన్ హీత్రో, సియోల్ ఇంచియాన్, సింగపూర్ చాంగి, ఇస్తాంబుల్, ఆమ్‌స్టర్‌డామ్, హాంకాంగ్ ఇంటర్నేషనల్, దోహా, ప్యారిస్ చార్లెస్ డి గల్లె మరియు బ్యాంకాక్ సువర్ణభూమి ఇంటర్నేషనల్ ఉన్నాయి.