ఈ రోజు మన సూపర్ స్టార్ కృష్ణ గారి 74వ పుట్టిన రోజు. తెలుగు సినిమా చరిత్రలో కృష్ణ చేసిననని ప్రయోగాలు మరే నటుడు చేసి ఉండడు. హీరోగా మూడువందలకు పైగా సినిమాల్లో నటించిన కృష్ణ వారసుడు వంటి సినిమాలతో క్యారెక్టర్ ఆర్టిస్టుగా మారాడు. తాజాగా శ్రీ శ్రీ సినిమాలో నటిస్తున్న కృష్ణ ఈ సినిమా జూన్ 3 న రిలీజ్ కు రెడీ అవుతోంది. కాగా సూపర్ స్టార్ కృష్ణ 1942 మే 31 న గుంటూరు జిల్లా, తెనాలి మండలములోని బుర్రిపాలెం గ్రామములో శ్రీ వీరరాఘవయ్య చౌదరి, శ్రీమతి నాగరత్న దంపతులకు జన్మించాడు. కృష్ణ గారి అసలు పేరు ఘట్టమనేని శివరామ కృష్ణ మూర్తి, ఈయనా బి.యస్.సి. వరకు చదువుకున్నారు. 1962 లో ప్రారంభమైన తన సుదీర్ఘ కెరీర్లో ఐదు దశాబ్దాలపాటు తెలుగు సినిమారంగంలో 350పైగా సినిమాల్లో నటించారు. సినీ పరిశ్రమలో మంచి మనిషిగా కూడా పేరు పొందాడు. 2008 లో కృష్ణ ఆంధ్ర విశ్వవిద్యాలయం గౌరవ డాక్టరేట్ పొందాడు. 2009 లో, భారతదేశం ప్రభుత్వం భారతీయ సినిమా తన సేవలకు గాను పద్మ భూషణ్ గౌరవించింది. రాజకీయ రంగ ప్రవేశం కూడ చేసిన కృష్ణ 1989 లో 9వ లోక్‌సభ కు ఏలూరు నియోజకవర్గం నుండి భారత జాతీయ కాంగ్రెసు అభ్యర్ధిగా ఎన్నికయ్యాడు. కృష్ణ తనయులు రమేష్ బాబు, మహేష్ బాబులు హీరోలుగా తెలుగు తెరకు సుపరిచితులు. కూతురు మంజుల వెండితెరపై అప్పుడప్పుడూ నటిస్తూ. సినిమా నిర్మాణ రంగంలో ఉంది.