యూఏఈ: ఎమిరేట్స్‌లో పనిచేస్తున్న ఒక బీమా కంపెనీపై Dh1.2 మిలియన్ల ఆర్థిక ఆంక్షలు విధించింది సెంట్రల్ బ్యాంక్ ఆఫ్ ది యూఏఈ (CBUAE). మనీలాండరింగ్ నిరోధకం, తీవ్రవాదానికి ఫైనాన్సింగ్, చట్టవిరుద్ధ సంస్థల ఫైనాన్సింగ్ (AML/CFT)పై 2018 ఫెడరల్ డిక్రీ లా నంబర్ (20)లోని ఆర్టికల్ 14 ప్రకారం ఈ జరిమానా విధించినట్లు తెలిపింది. బీమా కంపెనీ AML/CFT పాలసీలు మరియు విధానాల్లో లోపాలను కలిగి ఉన్నట్లు బ్యాంక్ అధికారులు తెలిపారు. బీమా రంగం పారదర్శకత, సమగ్రతను కాపాడేందుకు ఆమోదించిన చట్టాలు, నిబంధనలను అన్ని బీమా కంపెనీలు, వాటి యజమానులు కట్టుబడి ఉండాలని యూఏఈ సెంట్రల్ బ్యాంక్ స్పష్టం చేసింది.