యూఏఈ: డమాక్ హిల్స్ 2 నివాసితులకు నీటి బిల్లుల పెంపు గురించి  డమాక్ ప్రాపర్టీస్ కమ్యూనిటీ అడ్వైజర్ జారీ చేసింది. సెలవు రోజుల్లో బిల్లులు పెరిగే ప్రమాదాన్ని అరికట్టడానికి వాటర్ వాల్వ్‌లు, ఎలక్ట్రిక్ బ్రేకర్లు మరియు గ్యాస్ వాల్వ్‌లను మూసివేయాలని సూచించింది. ఇటీవల నివాసితులకు విపరీతమైన నీటి బిల్లులు రావడంతో ఈ చర్యలు చేపట్టింది. కొందరు నివాసితులకు Dh17,000 వరకు వాటర్ బిల్లులు రావడం సంచలనంగా మారింది.  బ్రిటిష్ రెసిడెంట్ పీటర్ స్పెన్సర్ సెలవులో ఉన్నప్పుడు నీటి వినియోగం కోసం Dh4,327 బిల్లును అందుకున్నాడు. డిసెంబరు 26  - 31 మధ్య కేవలం ఐదు రోజుల వ్యవధిలో తన మీటర్  80,000 గ్యాలన్ల వినియోగాన్ని నమోదు చేసిందని పేర్కొంటూ ఒక విల్లాలో నివసించే స్పెన్సర్.. నీటి వినియోగంలో  వ్యత్యాసాన్ని చూసి షాక్ అయ్యారు.  “సాధారణంగా తమ నీటి వినియోగం 60 గ్యాలన్ల వరకు వుంటుంది. వాటర్ లీక్ కారణంగా అది దాదాపు 80,000 గ్యాలన్లకు చేరుకుంది”అని పేర్కొన్నారు.