భారీ బడ్జెట్‌తో రూపొందుతోన్న మంచు వారి సినిమా ‘కన్నప్ప’. మోహన్ బాబు డ్రీమ్ ప్రాజెక్ట్‌గా అత్యంత ప్రతిష్టాత్మకంగా ఈ సినిమా రూపొందిస్తున్నారు.

మంచు మనోజ్ లీడ్ రోల్ పోషిస్తుండగా.. వివిధ భాషల నుంచి ప్రముఖ నటీ నటులు ఈ సినిమాలో భాగం కానున్నారు. అలాగే, టాలీవుడ్ నుంచీ స్టార్ హీరో మరియు యూనివర్సల్ హీరో అయిన ప్రబాస్ కూడా ఓ కీలక పాత్ర పోషిస్తున్నాడు.

అదే పరమ శివుడి పాత్ర. ప్రబాస్ సరసన పార్వతి పాత్రలో నయన తార నటించనుంది అని ప్రచారం జరిగింది. అయితే, ప్రస్తుతం ఆ పాత్రలో బాలీవుడ్ బ్యూటీ కంగనా రనౌత్ పేరు వినిపిస్తోంది.

‘కన్నప్ప’ ప్యాన్ ఇండియా మూవీ. భాషతో సంబంధం లేకుండా అందరికీ నచ్చి, అందరూ మెచ్చే కాన్సెప్ట్ కావడంతో అంచనాలు ఎక్కువగా వున్నాయ్. అంచనాలు ఎలా వున్నా.. భారీ స్కేల్‌లో సినిమాని తెరకెక్కిస్తున్నారని నటీనటుల ఎంపిక ద్వారా అర్దమవుతోంది. చూడాలి మరి, పార్వతి పాత్రలో కంగనా.. ఈ ప్రచారం ఎంత నిజమో.!