దోహా: హమద్ పోర్ట్ మరియు సదరన్ పోర్ట్స్ కస్టమ్స్ డిపార్ట్‌మెంట్‌ భారీ మొత్తంలో నిషేధిత పొగాకును స్వాధీనం చేసుకున్నది. వాణిజ్య నౌకలో దేశంలోకి త‌ర‌లిస్తున్న ఐదు టన్నులకు పైగా పొగాకును గుర్తించి స్వాధీనం చేసుకున్నారు.  షిప్‌మెంట్ హమద్ పోర్ట్‌కు చేరుకున్నప్పుడు, మూడు ట్రైలర్‌లను ప్రత్యేక తనిఖీ పరికరాలను ఉపయోగించి తనిఖీ చేశామ‌ని,  5.5 టన్నుల (5.5 కిలోలు) పొగాకును గుర్తించామ‌ని క‌స్ట‌మ్స్ విభాగం తెలిపింది. కస్టమ్స్ అధికారిక ఇమెయిల్ లేదా 16500కి కాల్ చేయడం ద్వారా నిషేధించబడిన లేదా నిరోధిత వస్తువుల అక్రమ రవాణాల‌కు సంబంధించిన సమాచారాన్ని అందించాల‌ని ప్ర‌జ‌ల‌ను కోరింది.