కువైట్: వాట‌ర్ బెలున్స్ విసిరితే 500 దీనార్ల వరకు జరిమానా విధించబడుతుంది. ఈ మేర‌కు పర్యావరణ పబ్లిక్ అథారిటీ యొక్క తాత్కాలిక డైరెక్టర్ జనరల్ సమీరా అల్-కందారి హెచ్చ‌రించారు. పౌరులు మరియు ప్రవాసులు కువైట్‌లో జాతీయ సెలవుదిన వేడుకల్లో పరిశుభ్రతను కాపాడాల‌ని పిలుపునిచ్చారు.  ఎన్విరాన్‌మెంటల్ ప్రొటెక్షన్ లా ఆర్టికల్ 33కి అనుగుణంగా బెలూన్ పారవేయడంతోపాటు చెత్తను వేయకుండా ఉండాలని, ఉల్లంఘించిన వారికి 50 నుండి 500 దీనార్‌ల జరిమానా విధించనున్న‌ట్లు అల్-కందారి తెలిపారు.  పర్యావరణ నిబంధనలను అమలు చేయడానికి ఏజెన్సీల సిబ్బందితో సహా ఇన్‌స్పెక్టర్ల బృందాలు వేడుక జరిగే ప్రదేశాలలో సంయుక్త తనిఖీలు నిర్వహిస్తాయని తెలిపారు.  జాతీయ సెలవు రోజుల‌లో కాలుష్యాన్ని తగ్గించడానికి,  అవగాహన పెంచడానికి దేశవ్యాప్తంగా పర్యావరణ అధికారుల ప్రత్యేక బృందాన్ని నియమించిన‌ట్లు వెల్ల‌డించారు.