‘ఉప్పెన’ ఫేమ్ బుచ్చిబాబు సన దర్శకత్వంలో రామ్ చరణ్ ఓ సినిమా చేస్తున్న సంగతి తెలిసిందే. రేపో మాపో ఈ సినిమా సెట్స్ మీదికెల్లేందుకు సిద్ధంగా వుంది.
బహుశా మార్చి 20 నుంచి సినిమా రెగ్యులర్ షూట్ స్టార్ట్ కాబోతున్నట్లు తాజా సమాచారం. అయితే, ఈ సినిమాకి సంబంధించి ఓ గాసిప్ తాజాగా ఇండస్ర్టీ వర్గాల్లో చక్కర్లు కొడుతోంది.
మొదట బుచ్చిబాబు సన, ఎన్టీయార్‌తో సినిమా తెరకెక్కించాల్సి వుంది. అయితే, అది కుదరలేదు. దాంతో, ఆ తర్వాత రామ్ చరణ్ లైన్‌లోకి వచ్చాడు. ఎన్టీయార్ కోసం బుచ్చిబాబు సిద్ధం చేసిన కథే, రామ్ చరణ్‌తో తెరకెక్కించేస్తున్నాడట.. అనే టాక్ గట్టిగా వినిపిస్తోంది.
అంతే కాదు, ఈ సినిమాకి ‘పెద్ది’ అనే టైటిల్ కూడా వినిపిస్తోంది. ఈ టైటిల్ పట్ల రామ్ చరణ్ అభిమానులు ఏమంత సంతృప్తికరంగా లేరనీ తెలుస్తోంది. ఎన్టీయార్ కథ, రామ్ చరణ్ వద్దకు రావడమే ఇష్టపడట్లేదట అభిమానులు. కానీ, అసలు ఈ ప్రచారంలో నిజం లేదనీ, ఆ కథ వేరు, ఈ కథ పూర్తిగా వేరు.. అని బుచ్చిబాబు సన్నిహితులు వాదిస్తున్నారు.
ఏది ఏమైతేనేం, బుచ్చిబాబు విషయమున్న డైరెక్టర్. అందులో నో డౌట్. అన్నట్లు ఈ సినిమాలో రామ్ చరణ్‌కి జోడీగా జాన్వీ కపూర్ నటిస్తున్న సంగతి తెలిసిందే.