యూఏఈ:  గత నెలలో కురిసిన భారీ వర్షాల కారణంగా ఉష్ణోగ్రతలు గణనీయంగా తగ్గాయి. మళ్ళీ ఇటీవల ఎమిరేట్స్‌లో ఉష్ణోగ్రతలు మళ్లీ పెరగడం ప్రారంభించడంతో నివాసితులు వర్షాల కోసం ఎదురు చూస్తున్నారు. తాజాగా వాతావరణ నిపుణుడు మార్చి నెల చివరి 10 రోజుల్లో' భారీ వర్షాలు కురుస్తాయని అంచనా వేశారు. తీర ప్రాంతాల్లో తేలికపాటి వర్షపాతం (10మి.మీ మరియు 40మి.మీ మధ్య) కురుస్తుందని అంచనా. ఇతర ప్రాంతాలలో భారీ వర్షపాతం (50 మిమీ మరియు 80 మిమీ మధ్య) నమోదు అయ్యే అవకాశం ఉందన్నారు. అబుదాబి వివిధ రకాల వర్షపాతాలను ఈ మేరకు అలెర్ట్ జారీ చేశారు. దుబాయ్ మరియు షార్జా తీర ప్రాంతాలలో కూడా - 15 మిమీ మరియు 50 మిమీ మధ్య వర్షపాతం నమోదయ్యే అవకాశం ఉందని అంచనా వేశారు.