కువైట్: కువైట్ లోని భారతీయ కవయిత్రి నజ్నీన్ అలీ నాజ్ ముంబైలోని అవామీ రాయ్ నుండి ప్రతిష్టాత్మక "డా. నూర్ అమ్రోహ్వి అవార్డు" అందుకున్నారు. మార్చి 8న‌  అంతర్జాతీయ మహిళా దినోత్సవం సందర్భంగా అవార్డు ప్ర‌దానోత్స‌వం జ‌రిగింది.  ప్రముఖ వారపత్రిక అవామీ రాయ్ అంతర్జాతీయ కవితా కార్యక్రమాన్ని నిర్వహించింది, ఇందులో ప్రముఖ ఉర్దూ కవులు పాల్గొన్నారు. ఈ సందర్భంగా ఉర్దూ భాషను ప్రోత్సహించడంలో మరియు ప్రచారం చేయడంలో ఆమె చేసిన కృషికి గాను కువైట్‌కు చెందిన రచయిత్రి, కవయిత్రి నజ్నీన్ అలీ నాజ్‌కు డాక్ట‌ర్ నూర్ అమ్రోహ్వి అవార్డును అంద‌జేశారు. డాక్టర్ యూసుఫ్ అబ్రాహ్ని, డాక్టర్ సుహైల్ లోఖండ్‌వాలా, డాక్టర్ మహమ్మద్ అలీ పాటింకర్, డాక్టర్ ఫాతిమా పాటింకర్, డాక్టర్ అల్లావుద్దీన్ షేక్, పద్మశ్రీ డాక్టర్ జహీర్ కాజీ, స్థానిక‌ ఎమ్మెల్యే అమీన్ పటేల్ చేతుల మీదుగా ఆమె ఈ అవార్డును అందుకుంది. నజ్నీన్ వృత్తిరీత్యా బ్యాంకర్ అయినప్పటికీ,  సాహిత్యంపై తన ఆసక్తిని కొనసాగించింది. ఆమె ప్రధానంగా ఉర్దూ కవయిత్రి, ఆమె ఉర్దూ మరియు హిందీలో "ఖలీష్" అనే నవల కూడా రాసింది. గ‌తంలో  షాన్ ఇ ఉర్దూ అవార్డు, సాహిర్ లూధియాన్వి అవార్డు, సుభద్ర కుమారి అవార్డు, దినకర్ అవార్డు మొదలైన పలు ప్రతిష్టాత్మక అవార్డులను అందుకుంది.