‘డీజె టిల్లు’ సినిమాతో సూపర్ హిట్టు కొట్టి, దానికి సీక్వెల్ అయిన ‘టిల్లు స్క్వేర్’తోనూ బ్లాక్ బస్టర్ కొట్టేశాడు సిద్దు జొన్నలగడ్డ. ఈ రెండు సినిమాలూ సితార ఎంటర్‌టైన్‌మెంట్స్ నుంచే రూపొందాయి. రెండూ అనూహ్యమైన కలెక్షన్లు రాబట్టాయ్.
దాంతో, సితార ఎంటర్‌టైన్‌మెంట్స్ మరో సినిమాని సిద్దు జొన్నలగడ్డతో ప్లాన్ చేస్తున్నారట. త్వరలోనే అనౌన్స్‌మెంట్ ఇవ్వబోతున్నామని నాగవంశీ చెబుతున్నారు.
బహుశా అది కూడా ‘డీజె టిల్లు’ సీక్వెల్ అని తెలుస్తోంది. అయితే, ఈ విషయంపై ఇంకా క్లారిటీ రాలేదు. కానీ, ఖచ్చితంగా ఈ కాంబినేషన్‌లో సినిమా వుండబోతోందని తెలుస్తోంది.
ఇక రీసెంట్‌గా వచ్చిన ‘టిల్లు స్క్వేర్’కి సంబంధించి మౌత్ టాక్ బాగానే వుండడంతో హాలీడేస్‌లో సినిమా బాగానే వర్కవుట్ అయ్యేలా వుంది.
అనుపమ పరమేశ్వరన్ హీరోయిన్‌గా నటించిన ఈ సినిమా యూత్‌ఫుల్ కామెడీ ఎంటర్‌టైనర్‌గా దూసుకెళ్తోంది. చూడాలి మరి, ఈ జోరు ఎన్ని రోజులుంటుందో.