సిద్దు జొన్నలగడ్డ హీరోగా వచ్చిన ‘టిల్లు స్క్వేర్’ తెలుగు రాష్ర్టాల్లో బాగానే దూసుకెళ్తోంది. లో బడ్జెట్ సినిమానే కాబట్టి.. వసూళ్లు ఆశించిన విధంగా కాకపోయినా, ఫర్వాలేదనిపిస్తున్నాయ్.
నిర్మాతలు సేఫ్ జోన్‌లోనే వున్నట్లు తెలుస్తోంది. అలాగే, ఓవర్సీస్‌లో ఈ సినిమాకి మంచి ఆదరణ దక్కుతోందట. అక్కడ ప్రేక్షకులు ఈ సినిమాని బాగా ఆదరిస్తున్నట్లు విశ్వసనీయ వర్గాల సమాచారం.
అనూహ్యమైన వసూళ్లు రాబడెుతోందట అక్కడ ‘టిల్లు స్క్వేర్’. విడుదలైన మూడు రోజుల్లోనే దాదాపు 2.8 మిలియన్ డాలర్ల వసూళ్లు సాధించినట్లు సమాచారం.
ఈ లెక్క ఇంకా పెరిగే అవకాశాలున్నట్లు తెలుస్తోంది. చూస్తుంటే, ఈ సినిమాకి బాగానే గిట్టుబాటయినట్లుంది. మొదట ఓ మోస్తరు టాక్ తెచ్చుకున్నా.. ఫైనల్‌గా టిల్లుగాడు సేఫ్.
మల్లిక్ రామ్ దర్శకత్వంలో తెరకెక్కిన ‘టిల్లు స్క్వేర్’‌లో అనుపమ పరమేశ్వరన్ హీరోయిన్‌గా నటించిన సంగతి తెలిసిందే. ఆధ్యంతం వినోదంతో పాటూ, అనూహ్యమైన కొన్ని ట్విస్టులు సినిమాకి బ్రేక్ ఈవెన్ అయ్యేలా చేశాయంటున్నారు.