మెగా పవర్ స్టార్ రామ్ చరణ్ సరసన రష్మిక మండన్నా జత కట్టబోతోందట. ఏ సినిమా కోసం అంటారా.? ప్రస్తుతం రామ్ చరణ్ హీరోగా బుచ్చిబాబు సన దర్శకత్వంలో ఓ సినిమా తెరకెక్కబోతోంది.
ఈ సినిమాలో హీరోయిన్‌గా జాన్వీ కపూర్ ఎంపికయిన సంగతి తెలిసిందే. అలాగే, ఓ ఇంపార్టెంట్ రోల్ కోసం రష్మకను సంప్రదిస్తున్నారనీ తెలుస్తోంది.
ఇంతవరకూ రష్మిక, రామ్ చరణ్ కాంబినేషన్ సెట్ కాలేదు. ఈ సినిమాతో ఆ లోటు తీరిపోనుందేమో. అయితే, ఈ విషయమై ఇంకా అధికారిక ప్రకటన రావల్సి వుంది.
ప్రస్తుతం రష్మిక.. సుకుమార్ దర్శకత్వంలో తెరకెక్కుతోన్న ‘పుష్ప 2’ సినిమాలో నటిస్తోంది. ఈ సినిమాతో రష్మికకు తిరుగులేని పాపులారిటీ వచ్చిన సంగతి తెలిసిందే.
సుకుమార్ శిష్యుడే బుచ్చిబాబు సన. సో, సుకుమారే రష్మికను రిఫర్ చేశారేమో రామ్ చరణ్ సినిమాకి. అయితే, ఓ స్పెషల్ సాంగ్ కూడా ఈ సినిమాలో వుండబోతోందనీ తెలుస్తోంది. ఆ సాంగ్‌తో పాటూ కొన్ని సెకన్ల నిడివి సన్నివేశాలుండొచ్చట. చూడాలి మరి, ఈ ప్రచారంలో నిజమెంతో.!