‘గద్దలకొండ గణేష్’ సినిమాలో సెకండ్ హీరోయిన్‌గా నటించిన ముద్దుగుమ్మ గుర్తుందిగా.! పేరు మృణాళిని రవి. అధర్వకు జోడీగా నటించిన ఈ ముద్దుగుమ్మ ఆ సినిమాలో క్యూట్‌గా కనిపించి మెప్పించింది.

కానీ, పెద్దగా అవకాశాలు దక్కించుకోలేకపోయింది. తాజాగా ‘లవ్ గురు’ సినిమాతో మళ్లీ టాలీవుడ్ ప్రేక్షకుల్ని పలకరించింది. విజయ్ ఆంటోనీ హీరోగా రూపొందిన ఈ చిత్రం లేటెస్ట్‌గా ప్రేక్షకుల ముందుకొచ్చింది.

సెంటిమెంట్‌తో కూడిన ఫ్యామిలీ డ్రామాగా రూపొందిన ఈ సినిమాకి ఆడియన్స్ నుంచి మంచి రెస్పాన్సే వస్తోంది. ముఖ్యంగా మృణాళిని పర్‌ఫామెన్స్‌కి మంచి మార్కులు పడుతున్నాయ్.

అన్నీ బాగుంటే, ఈ సినిమాతో మృణాళిని మళ్లీ టాలీవుడ్‌లో ఆఫర్లు దక్కించుకునే అవకాశం లేకపోలేదు. టాలీవుడ్‌కి హీరోయిన్ల కొరత వుండనే వుంది. మృణాళిని వంటి పర్‌ఫామెన్స్ ఓరియెంటెడ్ ముద్దుగుమ్మలకి తెలుగులో ఎప్పుడూ చోటుంటుంది. చూడాలి మరి, ‘లవ్ గురు’తో మృణాళిని దశ తిరుగుతుందేమో టాలీవుడ్‌లో.!