ఎన్టీయార్ ‘దేవర’ సినిమా షూటింగ్‌కి చిన్న బ్రేక్ ఇచ్చి బాలీవుడ్‌లో అడుగు పెట్టాడు. అక్కడ ఆల్రెడీ కమిట్ అయిన ‘వార్ 2’ ప్రాజెక్ట్ గురించి ఎన్టీయార్ డేట్స్ కేటాయించిన సంగతి తెలిసిందే.

ఈ సినిమాలో హృతిక్ రోషన్ లీడ్ రోల్ పోషిస్తుండగా, ఎన్టీయార్ విలన్ రోల్ పోషిస్తున్నాడు. ఇద్దరి మధ్యా వచ్చే సీన్లు చాలా చాలా పవర్ ఫుల్‌గా వుండబోతున్నాయని గతంలోనే పలు హింట్లు ఇచ్చారు.

తాజాగా ఈ సినిమా షూటింగ్‌లో పాల్గొనేందుకు బాలీవుడ్‌లో అడుగు పెట్టాడట ఎన్టీయార్. కాగా, ఈ సినిమాతో పాటూ, మరికొన్ని బాలీవుడ్ సినిమాల కోసం ఎన్టీయార్‌తో సంప్రదింపులు జరుగుతున్నాయట ఈ నేపథ్యంలోనే.

షూటింగ్ గ్యాప్‌లోనే పలు ప్రాజెక్టులు చర్చకు వస్తున్నాయట. అంటే, ఎన్టీయార్‌ భవిష్యత్తులో మరిన్ని బాలీవుడ్ ప్రాజెక్టులు చేసే అవకాశాలున్నట్లు తెలుస్తోంది.

అక్టోబర్ 10న ఎన్టీయార్ నటించిన ‘దేవర’ రిలీజ్ కానుంది. ఈ సినిమాని ప్యాన్ ఇండియా రేంజ్‌లో రిలీజ్ చేయనున్న సంగతి తెలిసిందే.